Leiar for Eigedomsavdelinga

Er du vår nye eigedomsleiar, ein brubyggjar som går i dialog om dei gode løysingane?

Du er interessert i bygg – og er kanskje bygningsingeniør?
Vi søkjer deg som gler deg over at ulike brukargrupper gjer bygga våre levande.

Eigedomsavdelinga har ansvar for forvaltning, drift og vedlikehald av om lag 48 000 m² bygningsmasse med tilhøyrande eigedomar inkludert offentlege park- og friluftsområde på om lag 76 000 m². Avdelinga har òg oppgåver knytt til byggeprosjekt og prosjektoppfølging. Avdelinga har til saman 31 årsverk. Stillinga rapporterer til Kommunalsjef for samfunn og utvikling.

Arbeidsoppgåver:
• fagleg og administrativ leiing og strategisk utvikling av avdelinga
• bindeledd mellom ulike brukarar/avdelingar av formålsbygg
• styre ressursbruken i tråd med regelverk, mål og tildelte rammer
• økonomistyring med budsjett og rekneskap
• prosjektstyring av større driftsoppgåver og investeringar
• fremme saker til politiske utval og følge opp vedtak

Kvalifikasjonar:
• 3-årig høgskuleutdanning fortrinnsvis innan byggforvaltning eller tilsvarande
• relevant erfaring kan kompensere for formell utdanning
• kunnskap og erfaring med økonomistyring
• god munnleg og skriftleg framstilling
• førarkort klasse B

Vi ønsker at du som søkjar:
• tenker heilskapleg, strategisk og utviklingsorientert
• er god til å kommunisere
• er inkluderande, serviceorientert og med gode samarbeidsevner
• er handlingskraftig, leveringsdyktig, strukturert og med gode evner til å prioritere
• er god til å takle stress og utfordringar
• har leiarerfaring frå offentleg eller privat sektor
• har leiarutdanning og erfaring med prosjektleiing/styring
• har kjennskap til offentleg forvaltning
• har kunnskap om offentlege innkjøp

Vi tilbyr:
• utfordrande arbeidsoppgåver i eit triveleg miljø
• fagleg utvikling og oppdatering
• løn etter avtale
• god pensjonsordning
• hjelp til å skaffe bustad og eventuelt barnehageplass

For stillinga gjeld:
Tilsetting etter gjeldande lover og avtaleverk

Anna:
• Godkjende kopiar av vitnemål og attestar må takast med til eventuelt intervju. Det blir berre rekna ansiennitet ut ifrå innleverte attestar.
• I skjemaet er det mogleg å kryssa av for at søknaden ikkje skal verta offentleggjort. Dersom du ønsker at søknaden ikkje skal bli offentleggjort må du grunngi dette. Vi gjer merksam på at opplysningar om søkarane likevel kan bli offentleggjort, jamfør offentleglova §25. Du vil då bli varsla om dette på førehand slik at du har høve til å trekke søknaden din.

Send søknad:
• Vi ber om at elektronisk søknadsskjema blir nytta
• Alle søkarar vil få kvittering på at søknaden er motteken dersom dei har fylt ut rett e-postadresse i søknaden.